Um kurz nach de Sechsi sind scho die Erschte parat gsi zum Ufstoh,
für üs als Leiter wars viel z’früh, um zum Frühstück zgo. 

Mir händ, nach em feine Zmorge mit Allem drum und dra,
uns parat gmacht und unseri Ski und Snowboard gno. 

Ab gings bi Sunneschi uf die coole Pischte zum Snöbe und Skiene,
und es war cool für die Grosse und au für die Kliene. 

Mega luschtig händ mers au bim Mittagässe im Restaurant gha
es het Wienerli, Pommes gä und niemand het ebbis übrig gla. 

Am Nachmittag händ mer nochmols Alles us uns usse gholt,
und bim dorab fräse de Eind oder de Ander überholt. 

Um Vieri sind mer dann ab ins Lagerhus gange,
manchi eifach, um e gli ummezhange. 

Bi Vielene ischs aber grad mit Schliffschühnle und Hockeyspiele wiedergange,
denn klar isch, im Skilager lost sich kei Einzige gern hange?! 

Unser Z’Nacht het sich hüt us Fischstäbli, Gummel, Randesalat und gmischte Salat zsämmegsetzt,
und mir händ Alli Fischstäbli verteilt, bis ufs Letscht. 

Dann noch kurz en Videoabig für d’Renngruppe zum de Stil z’opimiere,
damit Sie bim nächschte Renne nit so viel Hundertschtel zum Sieg verliere. 

Spiel und Spass stönd bi üs ja jede Abig uf em Programm
Und da macht keiner schlapp oder git sich lahm. 

Jetzt dünd mir die Kinder ins Bett stecke,
damit Sie üs morn wieder um Sechsi chönd go wecke. 

Wie Ihr sehnd, händ mirs hier supermegag..l,
und überhaupt chei Langeweil. 

Guet Nacht und träumet süss us Zuoz ganz liebi Grüss 

Die ganze Meute

verabschiedet sich heute!